WWW.TUNGZANGNEWS.COM

 
Picture
ZOMI IT TENG; ZNC/ZCD in kum 25 sung tawntung Zogam ah Zomi ten thu nei ding ,ei vai ei mah in vai hawm ding ci in a ki tangko den hi.
Kawlgam ah Constitution 1947, 1974, 2008 (UPADI) te ah ih thu neih theihna ding Article khat zong om kha lo hi.Ih gam ah thu ih neih theih lohna pen a bulpi in Constitution hang cih tel huai hi.

Zomi te Kawlgam (Burma) ah ih ki hel khakna pen Pinlong thu kimna (1947) hang hi.Tua ma in ei gam ah ei leh ei Hausa,Upa in ki  om in.Mikang ten ih gam ong lak khit uh teh ong bawl sak Chin Hills Regulation  Act (1896) tawh 1947- suah takna ngah dong hi.Zomi te pen Kawl gam ah peemta te hi lo,Refugee hi kha lo hi hang Pinlong ah ki Beel pawlna (Union) tawh om ding ei gam ciatah thu neih theihna Self-determination (Pinlong thu kimna nambat- 5) na hang bek tawh Burma sungah ki hel hi hang.A hih hang in tuni dong Ih  Kawlgam Constitution ki bawl khempeuh leh thu nei kici khempeuh in Pinlong thu kimna awl mawh lo uhi.

Zogam ah Zomi ten thu nei in, Zomi te vai Zomi te mah in vai ih hawm theih na ding pen gam buppi Upadi Constitution pen Pinlong thu kimna bulphuh in Federal Constitution a hih masak kul hi.Tua man in ZNC/ZCD in Pinlong nihna sap kul ci in 2010-October 24, ZNC 22,birthday in Kalay pan thu ki suah in tu ni dong a ki zom toto lai hi.

Hih thu teng ki bul lot nuam ih hih man in minam party tawh ki ding hi.ei guak hilo in minam it teng ki pawlna Taizinta party 8 leh ki lemna bawl teng pawl 17 tawh Pinlong bulphuh ding a ki tang koko hi.Tu lai tak NLD tawh zong Updi puah ding vai Komiti ki phuan khawm hi.

Ei minam party tawh ding kei in Kawl party te bel leng a mau party Policy ah Federal vai ki tam muh lo a hih teh ei vai ei mah in gennuam thu sung nuam ih hih man in, Minam party tawh hamsa pi in ki ding cih ong tel un.Zomi party in Kum -5 -sung kha sum san theihna ding MP peuh Vuanzi peuh ki ngaih sun  masa lo in 2008-Constitution gelh phat ding ki lim ngaih sun zaw hi.

Zomi te leh  Taizinta te a ding pen,ih minim party te bek mah in,ki sem khia zo ding cih kitel a hih man ei zong ih minam party tawh ki ding hi. Cih nopna ah ih minam party te bek in Constitution puahna ah ki hel in thu ki sung zo bek ding cih hi.Kawl party te bel leng tua thu ki kupna ah ei te ki hel zolo ding hihang a hang in Kawl party te CEC ah ei te ki hel lo ih hih teh thu kikupna ah zong ki lut zolo ding cih tel sa hi.

Democracy dik tak gam te ah Central leh State government thu neihna te,sep theih ding te, Constitution ah kician tak khen linlian pah hi. Ei a pen Constitution ah kician tak in khenna omlo,ban ah Hlutdaw (Parliament) thu neihna,President thu neihna cih te ki cian omlo hi. 

Tu laitak mipi gengen Leitang vai zong Hlutdaw thu kimna bek tawh hih ding pen ngaih muan om tuan lo hi.Hlutdaw ah Kawlmi mahmah tam pen tua ban ah gal kap te 25% leh USDP te tam pen ahih teh a mau utut in a deih hunhun in ong khel zel ding uh cih muhsa hi.

Ei deih taktak pen gam buppi thu khun Upadi, Constitution ah State/Division Government ten a gam a lei ah kician tak thu neihna (power) om masak kul zaw ki sa hi.Tua a hih man in ,ZCD party zong ih minam buppi  ong van zo pen ding ci in ngaih sunni.A sem ta bek hi kha lo hi nang zong na ut nak leh (or) Minam na it taktak leh lut in sem thei hi uh teh.

Mianam it taktak ih gam ih puah nop taktak leh a ki sep theihna din mun siksan pen Minam party bek om hi.  lungdam  Kamlian
 


Comments

03/06/2017 17:15

detail article with best info.

Reply



Leave a Reply