WWW.TUNGZANGNEWS.COM

 
NLD makai Daw Aung San Suh Kyi le a pawl palai (Representative) te in Parliament zumpi ahi Muanhuai khuapi (Naypyidaw) ah tuni May 2,2012 ni-in Parliament member hihtheihna ding kiciamna (Tongciam) nei taktak ta uh hi. Tua NLD makaite' kiciamna ah " 2008 Thukhunpi ( Consitituition) ka zui/ ka lenkip ding hi " cih kammal mahin Kiciamna nei uh hi.

Kiciamna tawh kisai-in NLD makai Daw Aung San Sug Kyi le a pawlte in bel " Thukhun (Consitituition) ka zui/ ka lenkip ding hi " cih kammal munah " Thukhunte ka zahtak ( Respect) ding hi " cih kammal tawh laih nuamin Parliament Hluttaw ah ngen kik uh a, tua bang a khelkik theihna dingin Hluttaw sungah Member tamzaw thukimna tawh kilaihthei bek ahi hi. Tua bangin thukimna la ding hi le zong Hluttaw sungah member a tamzaw pen USDP (Kyant Khaing Yii) party te ahih manin, a hithei lo suak bek tham loin mai lamah buaina om thei zaw ahihna tawh kiniamkhiat kik mai uh ahi hi.

Daw Aung San Suh Kyi in tuni akipan Thein Sein kumpi thuneihna ( Parliament Hluttaw) sungah lut taktak ta ahih manin, mai lam Kawlgam ki-ukzia le Democrecy kalsuanzia koici pai ding cih ngaklah huai veve ci-in gamvai kivate in gen uh hi. Daw Aung San Suh Kyi a kikhahkhiat ni akipan tuni ciang Kawlgam kikhelzia a nuai abangin kimukhia thei hi.

November 13, 2010  -  Aung San Suu Kyi kikhahkhia.
May 30, 2010            - Senior General Than Shwe in Thein Sein tungah thuneihna piakhia
August 19, 2010        - Aung San Suu Kyi le President Thein Sein kimu khawm
October 12, 2010      - Gam vai in Thongkia ( Political Prisoners) mi 200 val kikhahkhia. 
November 17, 2010  -  Mai 2014 ciangin Kawlgam in ASEAN Chairman septheina ngah
December 23, 2010   -  Kiteelna ah luttheihna ding NLD Registers bawl
January 12, 2012       - Kawl kumpi le Karen (KNU) kilemna bawl 
January 13, 2012       - Gamvai Thongkia ( Political Prisoners) makaipi pawlkhat kikhahkhia 
April 1, 2012              -  Lailut kiteelna ( By-Election) ah Mun 45 kidemna sung pan NLD in 43 tawh gualzo 
April 23, 2012            -  EU in Kawlgam tungah Guh gawina/ khaaktanna teng hon sak kik

TZN: Source: AFP, Tongsan

 


Comments




Leave a Reply

    Tungzang News

    All