WWW.TUNGZANGNEWS.COM

 
Europe gam NLD makai Daw Aung San Suh Kyi Europe gam sung akhualzinna ah Norway gam Oslo khuapi ah thugenna tom kim cing Zolai tawh anuai a bangin kisim/ kiciamteh hi. Norway gam Oslo khuapi ah Nobel Peace Prize pahtawi piakna hunpi sungah  Nobel Committee, Norway gam Kumpipa le Kumpinu a kipan kumpi lam thuneih milian tuamtuam le sapna ngah mi thupi tuamtuam akipan Kawlgam mi honkhat tawh mipi kigawm vekpi 600 val kihelthei hi. Zomite zong honkhat kihelthei bek tham loin, Zomi nampuan hoih mahmah nih kipia in, Kawlgam a tun kik ciangin Pu Chin Sian Thang tungah genpah dingin kamciam cih kiza hi.

Norway gam pan abeisa 1991 kum a kipia Nobel Peace Prize pen tutung a thakin sanna le lungdamkoh thugenna Norway Royal King and Queen akipan Nobel Peace Committee le gammite khempeuh tungah lungdamna nei ahihna thugen hi. A ma genna ah hih Nobel Peace Prize in Kawlgam sungah Democracy le Human Rights te a omtheih nading a hanciamna thute leitung in atheihpih zo zah dongin, a omsakna thu Daw Aung San Suu Kyi in Norway gam Oslo khuapi Innpi ( Town Hall) a kibawl pahtawina piakna hunpi sungah June16,2012 ni in genkhia hi. Daw Aung San Suu Kyi in agenbehna ah , " hih Nobel Peace Prize pen abeisa1991 kum a angahsa hih a,kum21 asawtkhit zawh Nobel Peace Prize pahtawina piakna athugenna munah tua thute genkhia hi. Nobel Peace Prize pahtawina angah hunin, mat le hen in a om laitak ahih manin, ama tangin apasal le atapa nihte'n va laksak uh ahihna thu gen hi. Tua pahtawina in akikhakcip alungtang kongkhakpite honsak ahihna thute zong genkhia ahi hi.

Kawlgam ah haksatna, buaina, zawnkhalnate cimangin lungnopna le thuman suahtakna a omtheih nading in Kawlgam mi khempeuh in ka lametna lianpi hi cih thute gen hi. Tulaitak a thupiang ahi Rakhine gamsung ah buaina, sihna le kithahnate le Kachin gam buainate khawl zo nai lo ahih manin, a sawt lo a baina ding lametna lianpi aneihna thute pulak hi. Tua mah bangin leitung gam tuamtuam ah tulaitak mahmah a sihna, kigalbawlna, kikap- kidonate , gilkial dangtakna, nasep neilo a, zawnna le haksatnate zong abeitheih nading a lametna thute zong gen hi. A diakdiak in Kawlgam sungah kilemna lianpi a om semsemna ding leitung gam tuamtuam in huhna kisam ahihna gen hi.neih nathute zong genkhia hi.

Tua ban ah Kawlgambup mipite i lametna lianpi khat le lunggulhna khat ahi gamvai (Politics) tawh mat le kolbulh athuak akikhahkhia nai lo thong sung a om mi tampite manlang theithei a suahtakna ding kisam cih thu zong khauhtak pulakkhia hi. A mahmah zong kum tampi sung gamvai tawh thongkiami (Polictical Prisoner) khat ahihna le tua bang thongkia mite suahtakna ding leitungbup in mapanpih kisam ahihna thute pulak hi.

U Thei Sein Kumpi in kikhelna ding lam manawh laitakk in Kawlgam sungah akipawl khawmte ahi Galkapte, minam neuneute (Ethnic groups) te' sung pan gamvai nasem pawl ( Political Party )te, Media lam nasemte, Community, kumpi ahi lo kipawlna (NGO) lamte, sum le pai zonna lam (Economic ) cihte' sung pan athupi penpen khat in "Kawlgam mipite" ahi hi ci-in gen hi. Tua bang mipi kipawlna tuamtuam te'n lungkituak takin kipawlkhawm a, sepkhop theih peuh nak le Kawlgam i mai lam kalsuanna ding thuhoihte kimukhia/ kilenkipzo pan dinga, gualzawhna kingah thei bek ding hi cih thute gen hi. NLD President Daw ASSK in ama ngah Nobel Prize pahtawina hun a athugenna sungah a genna khatah, Thailand apai lai a Kawlgam mi gambel Refugees te tawh akimuhna tungtawn in, migam mi leiah gentheih haksatna athuak Kawlgam mite , leitung gamkhangtote le gam haute in hong huhna ding uh zong pulakna nei hi.

Tua banah Daw ASSK in Nobel Peace Center a kibawl Art Exhibition honna aneihsak khit ciangin, Norway gam le Europe gam sung atung Kawlgam mi tampi takte vaidawnna te lungkim mahmah ahihna thute genin, amaute tawh holimna hunpi khat neihpih hi. Norway gam pan  Ireland gamah June18,2012 ni in pai suaka, leitung a minthang U2 Music Group te i pahtawina le Amnesty International te'n apiak ding ahi Ambassador of Conscience pahtawina sang leuleu ding hi. Tua nitak lam mahin England gam pai suak ding a, June 26,2012 ni dong England ah tam in, British Parliament khawmpi ah thugenna nei ding hi. Tua banah June19,2012 ni ciang a Kum 67 cinna ama asuahpawi (Birthday) zong England gam mahah nasiatak bawl ding cih kiza hi. June 26,2912 ciangin France gam hawh leuleu ding a,June 29, 2012 ni ciang France gam panin Kawlgam ciah suak dinga, June 30,2012 ni-in Yangon tung kik ding cih kiza hi.

Source: Internet
Translated: Kham Khan Suan (Tongsan Translator)

 


Comments




Leave a Reply

    Tungzang News

    All