WWW.TUNGZANGNEWS.COM

 
Ciimna, Pilna le Siamna

Ciimna
Ciimna pen hih thum teng lakah a thupi pen ahi hi.
A ciim ding pen ei le ei ki bawl theih hi lo hi. Pasian piakte bekin Ciimna
ngah thei hi. Ciimna ih cih pen Tatkhiatna thu le Upna thu tawh kisai pha diak
hi. Zomi te pen mi namdang te bangin ih pil luat ih siam luat nai loh hangin Kha
lam ah a Ciim ngiat minam ih hi hi. Pawl khat te bangin teltuam mi hi hangh a na
cih ngiat uh pen a thumaan hi. Mihing in Pasian ki teel masa ngei lo-aa, Pasian
in mihing te ong teel masa zaw hi. Tua bang Ciimna le Upna ih neih theih nading
nangawn zong note' thalawhna hangin a ngah hi lo-in Pasian' ong piak khong ahi
hi...Faith itself is the gift of God...Ephsians 2: 8. Biakna dangte in a pasian
ding uh bawl tawm thei hi. Biakna dang te pen a pasian ding uh a zong tawm
biakna hi aa, Christian biakna pen a Pasian uh' zontawm biakna hi. Christian te
a Pasian un zong aa, Biakna dangte'n a Pasian ding uh zong hi. Thus, religion
and Christianity is different. Religion is man way of seeking God. Christianity
is God's way of seeking sinners. Ciimna ih cih zong Pasian' kiang pan'n ong pai
hi aa, mihing' sunglam pan aa ong piangkhia tawm hi lo hi. Ciimna ih cih in
degree nei lo hi. Mi khempeuh ciim lo uh hi. A hi zongin  ciimna mikhempeuh
in kideidanna om lo aa a ngah theihna ding uh lampi khat den ciangh ih gen ding
hi. Ciimna ih cih pen deidaanna le ahang (reason) tungtawn aa ki pia hi lo hi.
Tanlang kah lo khat zong ciim thei hi. Taan sawm ong lo khat zong ciim thei hi.
Leitung in mihai a sak te zong a ciim mahmah mi na hi thei hi. Tuamah bangin
ciimna pen mi pil mi siam te in zong ngah thei hi. Mihau mi pil khat zong ciim
thei hi. There is no class in Ciimna. Ciimna nei mi khat in pilna degree nei lo
kha thei ding hi. Siamna degree nei lo kha thei ding hi. Ciimna ngah theihna
dingin taansawm ong phot, college man phot, gamdang pai phot, Doctor degree
buaih khat peuhpeuh ngah phot cih te kisam lo hi. Ciimna sungah ki deeidanna om
lo hi. Mi kimin ki deidanna omlo- in Ciimna ih ngah theihna ding lampi khat om
aa, tua pen Pasian' kammal Lai Siangtho sungah ki diahna ahi hi. Lai Siangtho
khuavaak tawh ki kaapsak in. Maan (mirror) ah na ki et bang aa Lai Siangtho ah
ei le ei ki et ding pen ciim theihna ding step khatna hi pah hi. Lai Siangtho in
Jesuh mi Ciim pa' tungtawn in ciimna ih ngah theihna ding hong gen hi. Tua pen
Jesuh honpa, tanpa le gumpa aa saanna in Ciimna ahi hi. Wisdom from above.
Knowlege from inside. Wisdom is outside of us. Knowledge is from one's heart
that thinks. A thought can think subjectively. At the same time the thought can
recieve wisdom objectively that is outside of itself. Tua ahih manin hih thum
teng sungah Ciimna pen a bulpi le a kisam masa ahi hi. A ciim mi khat aa dingin
pilna le siamna zong ki zongto thei hi. Ciimna sungah pilna le siamna ki
helkhawm na pi-in Pilna le Siamna sungah Ciimna ki helkhawm lo hi. Khut le khe
pen pumpi aa hi aa, Pumpi pen khut le khee aa hi lo zaw hi. Pilna le Siamna pen
Ciimna ii aa hi-a, Ciimna pen pilna le siamna ii aa hi masa lo zaw hi. Pilna and
Siamna are of Ciimna (Wisdom). But Ciimna is not of pilna and siamna. Khang lui
te'n "hi nu hi pa pen a pil a siam loh hang ciim mahmah mawk ei" na ci zaw uh hi.
 
Pilna

 Pilna le Siamna thu pen tampi tak ih kikum man nawn kei ding hi. Ahi zongin
tawm tuak en kaak suk ni.Pilna ih cih pen sangkahna panin kingah pen hi. Lai theih pilna. Sepna,
bawlna, sinna tungtawn aa kingah thei namte pen pilna hi. Ciimna (Wisdom) pen
Greek mipil te' zon zawh thu tawh zong a ngah zawh loh a muh zawh loh uh thu a
hihi. Lai Siangtho siam Scolars te in Greek Philosophers te' zonzon Ciimna
(Wisdom) pen Jesuh sungah kimu thei hi. Greek mipil te zonzon ngakngak pen Jesuh
Khrih ahi hi. Tua ahih manin Jesuh sungah Ciimna le Philosophical Pilna
kilamdang hi. Pilna sinna ah degree om hi. Ki deeidaanna om hi. Sang hoih tak a
kah zo tengin pilna ngah bek hi. Mipil khat aa hong kiciapteh nadingin kumpi lam
panin ciaptehna le pahtawina degree tuamtuam te a banban aa laaktoh kul hamtang
hi. A tung aa ih gen mah bangin mi khat peuh pil mahmah na pi-in ciimna nei lo
pi hi thei hi. Mi khat peuh pil mahmah na pi-in Jesuh nei lo-in, a kha aa dingin
Ciimna bulpi a nei lo mipil khat ahih bek leh tua a sin pilna panin ciimna
(nuntaak tawntungna) ngah thei tuan lo ding hi. A sin pilna in amah tankhia zo
lo ding hi. A sin pilna in a kip lo pilna hi ding hi. A kip a kho pilna pen
Ciimna tawh kipawl pilna ahih manin tua pilna nungta tawntung ding hi. Ciimna
pen nuntaak tawntung na thu tawh kisai Salvation tawh kisai thu hi. Mi khat pil
mahmah in leitung buppi a ngah zo phial zongin a kha taan leh bangmah a
phattuamna om lo ding hi. Tua ahih manin pilna tawh ciimna ki lei zolo hi.
Doctor Ph.D hihna tawh Ciimna ahi Gupkhiatna pen kingah zo ngei lo ding hi. Tua
ahih manin LST in na pilna suang kei in a cihcih pen tua daan ahi hi. Pilna ih
cih pen hell gam tung ding pa zong hi leitung a nuntaak lai-in mipil mahmah khat
hi gige thei hi. A hih hangin ciim lo kiukiau ahih manin hell gam a tung hi ding
hi. For Jews demand signs and Greeks seek wisdom, but we preach Christ
crucified, a stumbling block to Jews and folly to Gentiles, but to those who are
called, both Jews and Greeks, Christ the power of God and wisdom of God. For the
foolishness of God is wiser than men, and the weakness of God is stronger than
men. 1 Corinthians 1: 22-25.
 
Jesuh ong puaksak Singlamteh Ciimna a nei kiukiau, leitung in mihai aa a na
ngaihsut uh mizawng te in leitung mipil te maizumsak ding hi. Sanggamte aw,
Pasian in note ong sap laitakin na omzia uh ngaihsun un. Leitung mite' hong
muhna panin note a tamzaw, mipil na hi kei uh a, mi vanglian zong na hi kei
uh-a, mi thupi zong na hi kei uh hi. A hi zongin Pasian in mi pilte a
maizumsakna dingin mihaite hong teel aa, mi thahatte a maizumsakna dingin mi
thanemte a hong teel hi. Leitung mite in thupi a sakte uh a suksiat theihna
dingin Pasian in leitung mite' simmawh a niamte, bangmahin a ngaihsut loh uh
mite a teel hi. Tua ahih manin Pasian mai-ah mite a kisak theihna ding thu om lo
hi. Ahi zongin Pasian in Jesuh Khrih hangin note tungah nuntakna ong pia aa, tua
Jesuh Khrih pen eite' pilna, Pasian tawh ih kipawl theihna, Pasian' mi siangtho
suakin, hotkhiatna i ngah theihna ahi hi. Tua ahih ciangin Lai Siangtho suangh,
"A kisathei mite, Topa' hang bek-in kisa thei ta hen," ci-in kigelh hi. 1 Cor 1:
26-31...Pil a kisa leitung mite in Pasian sap a ciim mite simmawh kha kei ta
hen!!! Pilna in a pumpi Ciimna simmawh kha kei ta hen? Khanglui te'n "hi nu hi
pa pen a pil hangin ciim het kei ei" na ci zaw uh hi. Pil in Ciim lo...Ki
phasak!


 Siamna

 Siamna cih leuleu pen Pilna sangin tawm niam zaw deuh tawh kibang hi.
Taangvalno te in siamna ki uk mahmah hi. A taktakin siam zalzal sangin cidam
henla, hat mahmah lel rehang hoih zaw pek lai hi. Ahi zongin a hat tektek lakah
a siam zaw te hampha hi. Siamna pen sangkah sese lo-in siamna khat peuhpeuh ki
siam thei hi. Bawllung suih siamna, tuizam siamna, guitor tum siamna, boxing
siamna, tai siamna, mitphial lah siamna, khutlamet siamna, computer siamna, set
tawh kisai lam siamna., etc cih bangin siamna tuamtuam om hi. Kawlpau na ngawn a
pau thei lo Zomi khat in Kawlte khat boxing ki tumna ah a boxing siamna tawh zo
ziau thei hi. Ciimna lah nei lo, pilna lah nei tuan lo napi-in a siamna tawh a
nungta zo tam lua hi. Sikseek siamna tawh a nungta zo mahmah Pa Cin Zam (Zozaang
Khua) bang pen a siam dan. Mi khatin "Pa Zam, Cin Zam aw, nong tem seksak in gua
zong bun zolo pi" a cih leh, Pa Zam in "gua tawh kilem lo hi di...Gua duh lo hi
di" cih san ziau hi...Tua pipi mahin siksek siam dang om tuan lo ahih manin a ma
kiang mah ah ki paipai lel hi. Miciim te zong pai-aa mipil te zong pai-in tu
ding hei ding tem ding sek sak tek uh hi. Tua banah, tu hunin nalamdang bawl
theihna siamna (mitphial lah siamna) tawh aki vakzo Kawlte bek hi nawn lo-in
Zomi te zong ki tam mahmah ta hi. Kawlgam mite hong thadahsak siamna te lakah
khat pen khutlametsak siamna ahi hi. Zomi Christian te ih upna hong palaang sak
siamna te lakah khat pen miphialsiamna ahi hi. Mitphial siamna ih cih pen
nalamdang bawl theih nopna tawh kizom tawntung aa, Jesuh min paulam in Pawlpi
sung buaisak mahmah hi. Jesuh hun lai aa Judah mi thu-umlo mi pawlkhat te mah
bangin nalamdang kaal in Pasian' thu gen siamna bekbek a mitsuan Sya nengneng
tam mahmah ta hi. Siamna pi-in theih nei lo cih pen, thei napi-in siam lo cih
tawh kibang lel hi. Bruce Lee in "Knowing is not enough we must apply" na ci hi.
Theih bek tawh kicing lo-in ih sepkhiat kul hi cihna hi. Bangbang ahi zongin
zongsat (used to habit) khit ciangin ih theih sawm saan pan hangin zongsang khin
ih hih manin basically  in kisiam kik thei nawn lo hi. Tua ahih manin Theih
masak thupi zaw hi. A thu paizia maan theihna tungtawn aa zongsatna pen damtui
luan zia ahi hi. Khanglui te'n "hi nu hi pa a siam hangin pilna nei kei" na ci
zaw hi. Guitor a siam zalzal hang taming maan kei.
Pyinia-ta-paa- kei kici se hi.1 Corinthians 13: 13na ah "Tu laitakin a om lai thu thumte pen upna, lametna,
le itna hi-a, tua thumte sung panin itna mah a thu lian pen ahi hi." a cih
bangin hih Siamna, Pilna le Ciimna thu thumte sung panin Ciimna mah a thu lian
pen ahi hi.The Scripture provides Wisdom (Ciimna).
Lai Siangtho in Ciimna hong guan hi.
Na pil nop na siam nop leh Ciimna zong masa in.



Taang Suang Dal


Zozaang
Tawmvei
Manila
 


Comments




Leave a Reply

    Tungzang News

    All