WWW.TUNGZANGNEWS.COM

 
Tukum 2011-2012 Tansawm laivuanna ah Zomi sung pan gualzawhna ngah tampi mah i om banah piltungtuanna (Distinction) ngah zong honkhat mah ki om hi. Tuate' sung pan Zotaangpal khat in (4-D) le Zoliapal khatin (5-D) ngah cih thu kiza ahih manin, Tongsan Media pan lungdampihna i pulak phapha hi.

2011-2012 Laisin Kum (4D) Ngah Tg. Gin Than Sang Thu tomkim:

Zogam, Tedim gamhuam Lunmuan khuami Tedim khuapi, Lawibual B/340 veng ateeng Pa Thang Ngaih Dal le Nu Khup Lawh Mang te' tapa ahi hi. Tedim BEHS(2) Lawibual ah sangkah in Gloria Boarder Pilna Sawmah laisin kawm hi. Tukum 2011-2012 laivuanna pen No.(1) BEHS, Tedim ah Tutna no. Khahtah-229, tawh nei hi. Laivuanna ah anuai a bangin Distinction ngah hi :-
(a) English
(b) Chemistry
(c) Physics
(d) Biology

Hih bangin (4D) angah Tg.Gin Than Sang pen nu le pate akipan adiakdiak Tedim Khangno Kipawlna (TYF) min tawh lungdampihna le pahtawina sumtang Ks. 100000(Tulzakhat ) apiak banah Rev. Dr. Do Suan Mung ( President of FBBC and Seminary) in zong Ks.100000 (Tulzakhat) mah pahtawina pia cih kiza hi. lungkimhuai tak kineihpih cih Tongsan Reporter (Tedim) tungtawn in thukiza hi.

Tg.Sangpi in LST mun khat ahi " Bang hang hiam cih le Pilna apia pa in Topa hi a, amah in pilna le siamna ahilhpa ahi hi" (Paunak 2:6), cih thubulphuh in nei ci hi. Tua banah ama upna le thungetna pen - Pasian muangin kiniamkhiatna tawh pilna zong hi leng Pasian in hong huh a, tua bek tham loin Nu le pa le Siate zahtak leng amaute' tungtawn in Pasian in thupha hong pia hamtang cih gen hi. Mai lamah ama pilna le siamnate minam le Pasian ading ka hihtheih zahzah in mapang nuam ahihna thute pulak cih kiza hi.

Reported: Tongsan Reporter (Tedim)

 


Comments




Leave a Reply

    Tungzang News

    All