WWW.TUNGZANGNEWS.COM

 
Tan 10 ong aa, University i lut ding ciangin major subject i tel siam ding kisam hi. I uk melloh peuh, atung pan ong kikhiat manin degree ngah theihna peuh a, sangkah sangin i uk vinven subject khat mah tawh degree lak pan, degree ngah pa/nu zong lungkim a, tua subject tungtawnin ama mailam

nasepna zong lawhcingzaw ding hi. Tuhun teh tan 10 mat sang theithei a ong ding kidem a, a mat in a bat nak leh M.C Dental siauh/kah cih tam mahmah hi. A sangkah ding pa/nu in a uk keiphial zongin nu le pa, u le nau in midangte tung gual tungtuan nadan in kingaih sun a, aana (tmPm)in kila sak/ kikahsak hi. Sang akah takpi ciangin ukmello pipi kiphumzawh thu tawh akah ahih manin zo lo pah a, banglo teng tawh ahun bei-in Art and Science University atung kik mi tampi kimu hi. Pawl khat leuleu degree no khat nangawn ngah loin a siatlawh mi tampi kimu hi.

Tua ahih manin University lut khuan nasiauh main, nangmat tawh kituak nang uk bel bang lam ahiam cih kan tel masa inla, tua na kantel khitteh nang mat tawh kituak na ut penpen siauh in. University major sub-ject te pen ahoih ahoihlo cih om tuanlo hi. Avekin hoih ahih manin kumpi-in kisam sa a, University ah pilna sang a hong sinsak ahi hi. Mitam in a siauh subject amat a sang hi bek a, ahoihzaw tuan cih bang hi lo hi. Tua ahih manin na mat tawh kituak na uk penpen siauhin sin inla, Ph.D dong na ong nading ngim pah in. University na lutphetin hanciam kipan pah peuh lecin tunlah om lo ding hi. Tua leh mailam ah i gam le i minam ading pilna sangpi a ngah mi tampi kisam hi hang. Biakna lamah tan 10 ong zo lopi peuh in Doctorate peuh hong ngah hang mun khempeuh ah kizang khin thei samlo hi.

A zenzen in na uk lian subject nangah kei leh zong lungkiat ngaihsut kenla, na ngah subject mah tawh sangtak a, degree nangah nading hanciam in. Ahun atun ciangin hong manpha mahmah veve ding hi. Mailam ah i gam ah pilna hong thupi mahmah dinga, pilna a sang ongzaw deuhte mah nuntakna sang /gual tungtuangin hong om ding hi. Tua hunteh kisik kikloh dingin tu mah pan kipan ngimna golpi tawh hanciam pah tinten in.

Thu khatah University lut khuan na siauh ciangin ngah ning ci-in khat/nih peuh bek siauh ken. A tawm pen a mat atam atawm zui leh nang uk zui-in gukciang bang peuhmah gualsuk hamtangin. Tua hi leh khat teitei lut zo ding cihna, sangkah kita sam cih bang om lo ding hi. Tua hilo a, khat le nih peuh bek siauh a, a siauh lah ngahlo, adang lah kipia theilo a, major kia lo a, sangkah kitasam mi tampi om hi. Vai khempeuh ah kigin kholhsa a om ding thupi pen hi.

Mite le Pasian mai-ah cih takna le thumanna kipletsa in i gam le i minam ading ngimna tupna lianpi tawh tu mahmah pan kipanin thasan dih ni. I ngim i tup i vai khempeuh ah i minam atawisang zo dingin hong matutpih kim tahen.

Prof: Kam Za Mung
Source: Siamsin Awging

 


Comments




Leave a Reply

    Tungzang News

    All