WWW.TUNGZANGNEWS.COM

 
Politics & Religion cih kammalte Zokam hilo a hihman in athu in ih theih hangin, a deihna taktak telsiang theiding thuhaksa pi ahi hi.

  POLITICS
  :

Zomi pawl khat te in ''politics'' cih kammal ih zak ciang leh, ih muhciangin, gam leh lei ading nasemin, kolbulh khaukhih atuak''politicians'' , leh avui atang tawi-in gam leh  lei adingin akisapna munah luangkhamin, anunna nangawn uh apia ngamtebekmah ih  mitkha ah hong suak dandan thei ahihna ih laigelhte tung tawn in kisansat thei  hi. Khialhna omlo na pi’n, politics a deihna taktak tuabang ciangbek ahihlohna  thu pawl khat ih ki kumnuam lai hi.

 What is politics?

Politics cih kammal, Greek kammal, ?????????  (politicos) pan in hong pai hi a, eipau in '' gammite tawh kizopna, ih tenna gam leh lei phattuamna ding nasepna,'' ci in kikhia thei hi. Politics cih kammal khensuk lai hi leng, Greek kammal, ''poli'' akhiat na in, ''citizen'', gammi cihna zong ahi hi. Tua banah Greek lai suffix -ics a ki beh lap ciangin, thu leh la khat peuhpeuh i pumpi, bulpi ahih kei leh 
theihna bulpi ci in zong kikhia thei hi. Tua hia, politics Zolai in direct in khia ding hi leng, gammi khat hihna hangin  theihtuak, theihhuai thuguipi, thubulpi ci in khia leng, adeihna lian a sukha kei zongin ki gamla khollo khading in ka ngaihsun hi.

 RELIGION

Politics ih gennung  in, tu in Religion cih kammal ih gensuk nuam hi. Religion cih kammal Latin  kammal, ''religio'' pan hong pai ahi hi. The World Book Dictionary in agenna ah  Latin lai '' religio'' a khiatna in, mihing khat in sepding a kilawm na sepna, a  hih kei leh sepding a om thuman, thutang sepkhiatna ci in na khia uh hi. Laitin  lai religio pen noun hi a, ama i verb form in ''religare''  ahi hi. Latin lai  religare, akhiatna in na khatpeuhpeuh hualkhawm, henkhawm kik cihna zong ahi  hi.

 Politics leh Religion in kilamdanna a nei ding hiam? 

Politics leh Religion kammal te’n kilamdanna nei uha, ahi zongin hih kammal nihte  nasepna ahihleh aki khenthei ding ahi kei hi. Tui leh nga bang ahi uh hi. Khat leh khat aki khenthei dingte ahi kei uh hi. Mikhat in Politics agengen laitak in, tua a gen Politics sungah religion zong na om a, tuamah bangin mi khat in religion a gengen laitak in tua agengen religion sungah politics thu mah zong a gengen ahi hi. Mi hingkhem peuh politics tawh a kisu khalo, akisai khalo kuamah omlo hi.
Man is by nature political animal (Aristotle). 

Biakna nasem, phungyi te, pastor te, evangelist te, missionary te a kipan politics tawh a kisai khalo kuamah omlo hi. Bang hanghiam cihleh, ih gensa ommah bangin, Politics ih cih in gammi te tawh kizopna, ih tenna gam leh lei phattuamna ding nasepna cih hia, Biakna nasem khempeuh te zong, gam leh lei phattuamna ding nasemte ahih man un, politics tawh a kisai khin vive ahi uh hi. Politics tawh kigamla theituanlo cihna ahi hi. Mipawl khat in Politics cih kammal a zak uh ciangin, agim neih zong ki oma, hong uk kumpite a langpan, opposition party te bek ding in a ngaihsun kha zong om lai hi leng ki lawm hi. Pawlkhat te leuleu in, gam leh lei a dingin mapangin kolbulh khaukhih, mat leh hen a thuakte bek Politics sem sakha zel kawikawi uh hi. 

Hih laigelhpa in Politics nak uk mahmah hi. Politics ahi, gammite tawh kizopna neih ding lunggulh  mahmah a, tua ban ah, gammite phattuamna ding na sepkhiat ding lunggulhna lianpi  zong a nei hi. Ahi zongin politics a uk mahmah hangin politician a suaknuam kei  hi.(The present writer is very interested in politics, but he does not want to  become a politician).

 Politics leh religion khending ih hanciam phialzongin, kua mah in khenzolo ding hi. Tangtawng  pek a kipan amaute limtak in khauhual bangin na ki hualkhinzo uh hi. Ka sungnu  zay pai in vanlei a, inn hong ciah ciangin van man khang mahmah ei, ci den hi,  aman a theihloh hangin politics a gengen a hi hi.( Pu Hau Kim). Pu Hau Kim in  Politics tawh kisai definition  apiak pen telbaih bek hilo in, tom mahmah napi  in, kicing mahmah hi. 


 
By: Cin Sian KhaiHamburg
Germany
 
 


Comments




Leave a Reply