WWW.TUNGZANGNEWS.COM

 
TZN: Abeisa 1953 kum a Rev. ST. Hau Go patkhiat ahi Zomi min tawisang Zomi Baptist Convention (ZBC) te in BM kici makaipite kikhoppi le Zokhua ah Khristian biakna a tun zawh kum 100 cin ( Christian Centenary) pawipi gawmin March 23-24, 2012 sung Zo khua ah thupitak kinei ding a, tua lai ah Zomi Baptist Convention (ZBC) min pen Chin Baptist Convention (CBC) ah khel/khello ding cih tawh kisai nasiatak kikupna nei ding cih kiza hi.

Tu laitak Zomi Baptist Convention (ZBC) ah President Rev.Thawng Kam leh Rev. Dennis Ngun Thawng Mang ( General Secretary) te in makaih uh hi. ZBC i Consititution (By Law) tungtawn in kikupna le thukhensatnate khempeuh pen ZBC kumthum a khatvei kinei khoppi ( ZBC Triennial Confence) , mai 2013 kum ciangin kipsakna kinei ding cih kiza hi. A kizakna danin ZBC sungah Tedim kampau (Zomi) Association 3-4 khawng bek om lai cih kiza hi.

ZBC sungah Association (28) leh Local Church (6) kihel in mimal (Membership) 200,000 val,Hunbit Pasian nasem Sia/ Pastor (1163) leh Biakinn (873)om cih thu ZBC-General Secretary asem ngei leh tulaitak ZBC President asem Rev.Thawng Kam in abeisa September 18,2009 hun lai Chin World Media te tawh holimna (Interview) pan genkhia ngei khin hi. Hih ZBC pan CBC ah laih vai ding tawh kisai Zomi min puate ading limtak ngaihsut huai thupi khatin kimu ahih manin, ahoih pen a hong kivaihawmna dingin a kua maciat in thungetna tawh mapang ciat ni.

TZN: Source : Chin World Media
Translated : Pa Kham Khan Suan (Tongsan Translator)

 


Comments




Leave a Reply