WWW.TUNGZANGNEWS.COM

 
Leitung ah biakna lam tawh kisai suahtatak biaktheihna a om mah bangin, akikhakcipna gam zong tampi mah omin, adiakdiak in Khristiante kibawlsia kawikawi hi. Tuate' sungah India gam pen Democrecy gamlian khat ahih zahin, biakna suahtakna zong anei gam khat ahi hi. A hi zongin Khristian biakna pen mudah mahmah uh a, a khangkhang in Khristian te le Missionary te bawlsia in thatlum den uh hi.
Nung deuh July 17, 2012 in India gam nisuahna lam Chhattisgarh State, Dakshin Bastar district sung a om Jawanga khua-ah Hindu biakna thuzui upna luanglet (extremist) kici mi 15 te in tua khua a om Khristian te zawhthawh thu tawh Pendevi Temple ah  paipih in, Hindu biakna bia sakin vuagawp bek tham loin, khua pua lamah hawm khia uh cih thu Evangelical Fellowship of India in gen uh hi. Tua banah June 19,2012 ni-in zong Hindu thuzui mi 150 mahin Jawanga khua mahah Khristian 12 bawlsia leuleu uh ci-in Open Door News te in uh hi.
 
June 19,2012 ni  a thupiang pen Chhatisgarh a khristian te kibawl siatna nasia pen hi dingin kiciamteh hi.  Abeisa April kha 2012 in zong Belgal ah mi 300 kiimte sivui ding kim lai Hindu te in buaisak uh ahi hi. Tua khua a Khristian te pen Hindu biakna pan khristian a a suakte uh ahi hi. Leitung ah India gam pen biakna nam a tam pen thumna in kiciamteh a, Muslim te 25 million kiim India ah teeng uh a, Khristian te kibawlsiat mahmahna gam khatin, U.S. Commission on International Religious Freedom ten gen uh hi.
 
 Open Doors World Watch ten India pen Khristian te ading a haksa gam 50 a ciamtehna sung pan a 32 na ah koih uh hi. Hih banga khristian te a ki bawl siatna pen Khristian a kipia a tam semsem hang ahi hi. Khristian a suak thakte pen a taangpi in nam neu leh Dalits te ahi uh hi. Hia mun ah Pastor leh thungen pawl pen kaal sim in kibuaisak den cih kiza hi.
 
Source: Open Door
 
Reported by: Tongsan Media Group
 


Comments




Leave a Reply