WWW.TUNGZANGNEWS.COM

 

Zomi  Ulehnau,

Abeisa  July 4 ni  in  Pasian tungah  Lungdamkohna Silver  Jubilee
pawi pi kabawltheihna  thu tawh kisai in  Topa tungah kalungdamna thu
pawlkhat honggelhkhia nuam ing.

1987 kum in Pasian in ama nasem dingin  sapna hongngah sak a, Isaiah
58:10-11 leh  Phil 1:20 tawh Topan hongsam hi. Abeisa kum 25 sung
tawntung kalungngaih  kik kik ciangin   mikhat aphat ding hileng zong
kaphatna ding thu omnawnlo dingin ka um hi. Mikhat agensia ding
hilengzong kagensiatna ding omnawnlo dingin  ka um hi. Ahizongin
hongbawl pa leh honggum pa Zeisu thu kagen kum 25 sungin   gending thu
tam semsem, genna ding mun zai sem sem ahih manin   HU hongkawm leh
itna tawh  ama nasem dinig inhongsam Pasian tungah lungkohna  pawi
akham kahihi.

Tutung Silver Jubilee  pawipi sungah honglungdampih mi 1000 kim
hongpai in  itlehngaih lawm leh gual leh Pasian nasep pih ten  thupha
hongbawl diamdiam uha  ko innkuan bangin  athu bekbek   mah  vaihawm
in  adang khempeuh te pen  Pasian   mite tung pan vive in hongpai hi.

Lungdamkohna  pen  tawlngakna hilo in   thathak lakna ahih manin
tutungin   Azahnih  vangliatna leh azahnih thupha cih  Elisha  thupha
pen Topa hongtheihsak thu ahihi.

Lungdampihna laipi leh email pan lungdampihna lai pen mi 35 tungpan
kangah manin kalungdam mah mah hi.

Sa honggawh te leh akisam  bangbang  hongvaihawm pih  te Tongsan
media sungah omkhin ahih manin  amin in kongpulaaknawn kei dinga
kalungdam na lian mahmah hi.

Ka thubulphuh pawlkhat  honggen nuam ing:

1.Upna bulphuh leng Pasian maipha  kingah.
2. Lawpna bulphuh leng  Pasian hatna kingah.
3.Theihna bulphuh leng Pasian kipna kingah.
4.Piakkhiatna bulphuh leng  Pasian itna kingah.
5.Laisiangtho bulphuh leng Pasian lamlahna kingah.
6.Suahtakna bulphuh leng Pasian nopna kingah.
7.Zeisu bulphuh leng lungdamna  thugil leh lawmhoih tampi kingah.
8. Vantung gam bulphuh leng lametna bukim kingah.

Hungeelna te:

Chairperson: Upa Zam Suan Thang
Speaker   : Rev.En  Khan Hau
Opening Prayer;  Rev.Samuel Cin Sian Pau
Pastoral Prayer : Rev.Than Za Cin
Closing Prayer:  Rev.Go Za Nang
Benediction: Rev.Pum Suan Suan
Thanks for  Dinner: Rev.Job Nang Khaw Thawng

Jubilee laibu simna : Upa Sk GinKhan Pau

Topa in  asim mimal kim tungah   Jubilee nopna thupha hongpia tahen.

Lungdamna lianpi tawh,

Rev.Pau KhanKhai
Kawlpi
 


Comments




Leave a Reply